Samsung открива кој е виновен за аферата со Galaxy Note 7
Објавено во: Мои пари 24 Октомври, 2016
Samsung започна со редовна годишна проценка на персонал која би можела да заврши со откази за 20 отсто од работниците. Може да се прогласат и виновници за неодамнешниот скандал.
Посебно под лупа се наоѓа лидерот на мобилното одделение Кох Донг Јин.
Јужнокорејските медиуми цитираат неименувани извори од Samsung, кои тврдат дека јужнокорејската компанија наскоро тргнува во процес на отпуштање 20% од својот извршен персонал кои во моментов бројат околу 1000 вработени.
Оваа информација доаѓа во време кога Samsung ја започна својата редовна годишна проценка на работата на извршниот персонал, а во декември врз основа на резултатите од проценките по обичај би требало да дојде до некои промени во позициите.
Оваа година критериумите на проценката би требало да бидат многу строги, посебно после скандалот со Galaxy Note 7.
Отказ така би требало да добијат околу 200 работници, а покрај Кох, се набљудуваат и неговите помошници.
Останува да се види дали челниците на компаниите токму нив ги сметаат за одговорни за промашувањето на доаѓањето на Galaxy Note 7 на пазарот.
Инаку, Кох на позицијата лидер на мобилното одделение дошол пред неполна година дена и се смета за една од најзаслужените личности во фирмата за самото продолжување на Galaxy S и Galaxy Note серија уреди.