Сарачини: Ниту Алаѓозовски свири, ниту артистите бараат преку леб погача
Објавено во: Македонија 13 Февруари, 2018
Петрит Сарачини од Министерството за култура во Отворено на ТВ 24 рече дека ниту Алаѓозовски свири, ниту артистите бараат преку леб погача.
„За жал нашиот буџет не може да им излезе во пресрет на сите. Ние сме сиромашна држава, а уметноста не е евтина работа. Постои концептот дека уметноста е бесплатна, но не е уметноста бесплатна“- рече Сарачини.
Koмпозиторот и пеач Александар Ристовски Принц во Отворено на ТВ 24 рече дека не ги обвинува сите оние кои добиле средства од Министерството за култура за реализирање на своите проекти.
Според него, конкурирале и добиле пари и тука тие немаат никаква вина.
Од Авалон продукција на оваа тема рекоа дека парите кои тие ги добиле ќе се вратат преку туризам во земјата, затоа што за секој концерт доаѓаат гости од надвор.
Во дебатата беше кажано дека и по некој паушал се делат парите, зависи за кого се работи, но немало сериозен концепт што ќе биде финансирано.
Ако вака се продолжи, ќе има лоши резултати.