Сашо Тасевски: Им кажав дека немам партиска книшка, ми рекоа „Баш ни е гајле“!
Објавено во: Македонија 25 Јули, 2017
Откако јавноста беше информирана кој е новиот директор на Драмски театар, Сашо Тасевски на социјалните мрежи го сподели искуството кое го доживеал за време на разговорот во министерство.
Тасевски пишува дека бил изненаден од понудата да директорува со Драмски но сепак решил да биде искрен и да си каже дека нема партиска книшка.
„Благодарност до сите на кои мојот избор за директор на Драмски театар им дојде како пријатно изненадување, бидејќи малку кој помислуваше на тоа решение. Не знам колку вреди тоа да се каже, но времето е такво што неблагодарно е да се премолчи. Кога првпат ме поканија на разговор некои луѓе од министерството и кога на мое изненадување ми ја соопштија понудата, прво што реков беше: Немам против, ама да знаете, немам партиска книшка.
Едниот од нив ме погледна и кратко ми одговори: Баш ми е гајле!
Толку“.-напиша новиот директор на Драмски театар.
Актерот Сашо Тасевски доаѓа како в.д. директор на Драмскиот театар по разрешувањето на досегашниот директор Роберт Вељановски.