Сава Ре целосно го презема НЛБ пензискиот фонд
Објавено во: Економија 12 Декември, 2017
„Би сакале да ја известиме јавноста за намерата за потпишување на договор помеѓу НЛБ д.д. Љубљана и НЛБ Банка АД Скопје, како продавачи и компанијата Сава Ре д.д. Љубљана, како купувач на 100% од акциите во НЛБ Нов пензиски фонд АД Скопје“, соопштуваат од НЛБ Групацијата преку Македонска берза.
Како што соопштуваат „потпишувањето на договорот за продажба го комплетира процесот на продажбата, започнат од НЛБ д.д. Љубљана и НЛБ Банка АД Скопје на 17-ти Март, 2017 година.
Сопственоста на целните акции на компанијата, пишува, ќе биде пренесена на стекнувачот откако ќе бидат задоволени сите задолжителни услови.
Меѓу погоре наведеното во ова известување до јавноста, се потенцира дека Македонија останува еден од стратешките пазари на НЛБ Групацијата, и дека во иднина НЛБ Групацијата уште повеќе ќе го зголеми обемот на своето работење во Република Македонија.