СДСМ: На овој голем празник се потсетуваме на нашите должности како граѓани
Објавено во: Македонија 16 Април, 2017
Празниците како овој голем христијански празник, Христовото Воскресение - Велигден, се поттик да се потсетиме на нашите должности како граѓани. Тоа значи грижа за себе, но и почит, грижа и разбирање и за луѓето со кои го споделуваме животот. И одлучност за развој на државата во којашто живееме, во општество каде секој може да биде среќен, порачуваат од СДСМ.
- Македонија ја има шансата да се придружи на демократскиот свет.
Граѓаните на Македонија се пред шансата да го живеат својот живот, по своја сопствена волја, без директиви, уцени, притосоци, спокојно и среќно.
Ниедна голема промена не е лесна. И не се случува наеднаш. Заедно ги почнавме промените што водат до квалитетен живот за сите, правда, слобода, еднаквост и заедно треба да ги овозможиме.
Oдлучивме да живееме заедно. Избравме живот за сите. Тоа значи дека сме свесни за тоа што ни е потребно. Но, тоа значи и обврска заедно да ги понесеме промените. Промени ќе има. Тие го носат животот што го посакуваме, пишува во соопштението на СДСМ.