Се иселиле во Шведска, а сега бизнисот го враќаат во родната земја
Објавено во: Економија 10 Февруари, 2017
Десетици илјади луѓе од БиХ за време на војната се иселиле во Шведска, и таму почнале свој бизнис.
Тие денес вработуваат стотици луѓе, и планираат проширување на бизнисот, односно го враќаат и во родната земја.
Мујо Гурдиќ, еден од сопствениците на компанијата Auto Svartinge, пред 20 години почнал скромно така што продавал автомобили во дворот на семејната куќа, а денес имаат салон и продаваат по 250 автомобили годишно.
Годишно имаат обрт од милион и пол евра. Раскажуваат дека морале да се изборат за доверба од купувачите, ги препознавале како бегалци, а помош им понудила локалната власт.
Градот Норкопинг до 2020 година сака да влезе во топ 20 светски градови за бизнис. Таму сега има околу 15 фирми кои се во сопственост на граѓани од БиХ.
За овие фирми Шведска е мала и се почесто отвораат работни места во Сараево.