Се истргуваа 4,4 милиони евра со акциите на Комерцијална банка
Објавено во: Финансии 27 Ноември, 2017
Голема раздвиженост и на Македонска берза. Во текот на денешниот ден е извршена голема блок трансакција со акциите на Комерцијална Банка АД Скопје при што се вложение неверојатни 4,4 милиони евра. Станува збор за откуп преку блок трансакција на вкупно 119.540 обични акции кои се со право на глас.
Тоа претставува вкупни 5,25% од основната главнина на акционерското друштво што значи и солидно влијание преку Собранието на акционери и носењето или одобрувањето на одлуки на компанијата.
Една акција достигна вредност од 2300 денари со тоа што вкупно трансакцијата постигна вредност од 274.942.000 или околу 4,4 милиони евра.
Претходно во ноември и септември исто така имаше блок трансакции со акциите на Комерцијална банка но, тогаш беа истргувани многу помал број на обични акции со вредност од 13 и 5 милиони денари или под 1% од уделот во основната главнина.