Се потпишува онлајн петиција против двојазичност и прекин на разговорите со Грција
Објавено во: Македонија 17 Јануари, 2018
Декларација #НиеСмеМакедонија Доста беше / Declaration #WeAreMacedonia Enough is Enough веќе ја потпишале над 4122 луѓе онлајн.
На македонски и на англиски јазик во петицијата е објаснето за што се залагаат и што бараат.
Македонците од светот најостро ги осудуваат тековните разговори со Грција околу името на Република Македонија, неодговорниот и незаконски чин на пратениците во Собранието со изгласувањето на неуставниот Закон за јазици, разнебитувањето на унитарноста и суверенитетот на матичната држава.
„Ние, Македонците од Дијаспората и Македонци ширум светот внатре и надвор од Македонија, го известуваме Македонскиот народ во матичната татковина, Република Македонија, дека во недела, 14ти Јануари, 2018 година, пред Амбасадата на Република Македонија во САД, протестиравме против Владата на Република Македонија и пратениците на Собранието на Република Македонија, и ги известуваме дека дијаспората започнува масовно движење на Македонците во светот, #НиеСмеМакедонија, со единствена цел зачувување на засебноста на Македонецот како рамноправен и почитуван член во светското семејство, без нарушување на македонскиот иденитет, јазик и култура, и унитарноста на државата“- се наведува во петицијата.
Ставање вето од страна на Претседателот на државата на противуставниот закон за јазици, и повлекување на истиот од понатамошнен процес во Собранието на РМ.
Oрганизирање попис под мониторинг на реномирана меѓународна организација на територијата на Република Македонија во период не подолг од 6 месеци од приемот на оваа декларација.
Неменување на историјата на Македонија, статусот на МПЦ – ОА и интензивирање на грижата за Македонците во соседните држави.
Доколку Владата на Република Македонија не е способна да го стори горенаведеното, тогаш повикуваме на итно самораспуштање на Собранието на Република Македонија и организирање на непосредни избори каде што и на македонските граѓани од дијаспората ќе им бидат овозможени свои претставници во новиот парламентарен состав, според принципот на пропорционалност.
Петицијата може да се потпише овде.