Добивај вести на Viber
Јавното претпријатие Македонски железници - Инфраструктура денеска ја почнува реализацијата на проектот за ремонт на железничките делници Табановце - Куманово и Миравци - Смоквица од Коридорот 10.
Како изведувач на работите е германскиот конзорциум „Wiebe & Alpine“, а се предвидува целосен ремонт на две делници од Коридор 10 со вкупна должина од 25 километри, за што ќе бидат потрошени 6,986 милиони евра, обезбедени ов Владата со кредит од Европската банка за обнова и развој.
Исто така е најавена ревитализација и на делницата Ногаевци-Неготино. За ремонт на трите делници во вкупна должина од 57 километри од ЕБОР се обезбедени вкупно 17,6 милиони евра.
Со овој проектот е планирано да се обнови на горниот строј на девет патни премини и да се направи врши замена на постојаните стојалиштата со нови бетонски елементи.
Ревитализацијата опфаќа санација на долниот строј на пругата, подобрување на техничките карактеристики на горниот строј на пругата преку замена на трулите дрвени прагови со нови армирано-бетонски, како и замена на шините и положување нов толчаник.