Seavus со своја донација на ФЕИТ

Добивај вести на Viber

Лабораторијата за електроника при Факултетот за електротехника и информациски технологии од петокот е збогатена со компјутерски системи за изведување на лабораториски вежби, донација од македонскиот технолошки гигант Seavus. Станува збор за десет нови компјутерски системи кои ќе придонесат лабораториите на ФЕИТ да бидат опремени со доволно работни станици за ефикасно изведување на практичната настава на овој факултет. Студентите на ФЕИТ заслужуваат прогресивна и напредна дообразба бидејќи се чинители на една генерација која е промотер на технолошкиот развој, кој е значаен за секое општество. -Оваа донација е само дел од целокупната соработка на Seavus и Факултетот за електротехника и информациски технологии. Наша цел е на студентите и квалитетните кадри кои излегуваат од овој факултет да им дадеме поддршка и можност покрај теорија да имаат што повеќе практична настава, да работат на проекти и со нови методи кои со сигурност во иднина ќе им донесат големи бенефити", вели Благој Ќупев, менаџер на Seavus Ембедед дивизијата.