СЕЕМ: Не очекува бурен период, новинарите да бидат професионални
Објавено во: Македонија 19 Септември, 2017
Новинарите се должни да ги почитуваат вредностите на својата професија, да не поттикнуваат насилство ниту со своето пишување, ниту со своето однесување и никогаш да не заборават дека нивното најсилно оружје е зборот. Советот за етика во медиумите токму пред одржување на локалните избори повторно повика на разумност кај новинарите и држење до професионалните стандарди.
„Нè очекува бурен период на политичка кампања и тензии пред претстојните локални избори, па СЕММ повикува на максимална одговорност во вршењето на јавните професии. СЕММ исто така апелира до медиумите на посериозен пристап во известувањето, односно јавниот интерес да биде главен услов при селекцијата на темите што се презентираат на публиката. Освен информативна, медиумите имаат и едукативна улога, тие треба да го збогатуваат јавниот дискурс, да влијаат на негово култивирање, а не на спуштање на нивото на јавната комуникација и креирање атмосфера што не доликува на едно современо демократско општество“, се наведува во соопштението на Советот за етика во медиумите.
СЕММ истовремено потсетува дека пред последните парламентарни избори голем дел од медиумите ја потпишаа Повелбата за етичко известување на Советот за етика.