СЕГА НЕМА ГУЖВИ, И Е ЕВТИНО: Летувања и за 69 евра во септември!

Добивај вести на Viber

Повеќето туристички аранжмани за летување во постсеозна се распродадени, велат туристичките агенции. Сите кои сакаат на летување да одат во септември или почеткот на октомври тогаш би требало да побрзаат со резервирање на посакуваните дестинации. 

Патниците се повеќе се одлучуваат за одмор во септември бидејќи, освен поволните цени и гужвите се помали и температурите се попријатни.

„Аранжмани има уште малку, така да треба да се побрза за последните денови од летувањата. Цените на аранжманите на места се и до 50 отсто пониски, зависно од дестинацијата и датумот. Оваа година повторно најголем интерес има за Грција и Бугарија, а барана е и Шпанија но и Турција каде цените годинава се доста пониски споредено со претходните години. Патниците се одлучуваат за овој период бидејќи има помалку гужви, температурите се пријатни а морето е топло“-велат од неколку скопски туристички агенции.

На одмор во септември најмногу се одлучуваат постари генерации и семејства со мали деца, го пренесуваат искуството туристичките водичи.

„Сезоната воглавно е резервирана за млади, а во септември најмногу летуваат повозрасни генерации со мали деца бидејќи се помали гужвите, а климата е убава. Сите хотели во постсезоната ги спуштаат цените така да за помалку пари, во однос на јули и август, може да изберете дестинација која ја сакате“, раскажуваат и многу туристи.

Па доколку сте за одмор без гужва и по поволни цени тогаш резервирајте си сега зошто сега е вистинското време и ласт минут понудите се актуелни во моментов.

Калитеа, Фурка, Ханиоти се на првиот крак и на социјалните мрежи наидовме на понуда која ќе ви се допадне а тоа е 69 евра за терминиот 16.09.2017 - 23.09.2017. Доволно е да го пребарате интернетот и понудите сами ќе ве најдат.