Шеќеринска: Моравме да убедуваме дека не сме склучиле пакт со ѓаволот
Објавено во: Македонија 18 Мај, 2017
Важна цел е да се обезбеди мирен трансфер на власта, изјави вечерва заменик претседателката на СДСМ и пратеничка, Радмила Шеќеринска во Топ тема на Телма.
Таа вели дека во наредниот период критики ќе има, но тие не се штетни, туку можат само да алармираат.
„Критиката во последните две години ни беше некогаш многу скапа. Ние моравме да убедуваме дека не сме склучиле пакт со ѓаволот, да бараме доверба. Но, работа на политичарите не е да плачат, туку да даваат одговори“ - рече Шеќеринска.
Таа вели дека не им било тешко да ги обезбедат гаранциите за да ги приложат кај шефот на државата, Ѓорѓе Иванов. Додава дека политичарите се обрзани да го почитуваат Уставот.
Пратеничката вели дека Иванов со обвинувањата за германската амбасадорка, Кристине Алтхаузер го навреди најголемиот поддржувач на Македонија, Германија.
Според неа, Иванов со оваа постапка ја понижи македонската дипломатија, но рече дека како идна Влада ќе мораат да соработуваат со Иванов за надворешните работи, и додаде дека ќе се трудат да бидат принципиелни.