Шест реченици кои секој вработен би сакал да ги слушне од шефот
Објавено во: Финансии 01 Март, 2017
Успешната работа почнува и завршува со добрата комуникација. За да раководи добро со своите луѓе, способен началник треба да знае како да ги мотивира. Еве кои реченици секој вработен сонува да ги слушне од шеф според „The Muse“.
1. „Имам целосна доверба во тебе“
Нема ништо пообесхрабрувачки од газдата кој не верува во способностите на своите вработени и го подложи на сомнение секое нивно дејствување. Дури уверени луѓе ќе изгубат самодоверба во себе, ако се третираат како мало дете со лигавче.
2. „Тоа е она што сакам да го постигнеме.“
Она што ги разликува исклучителните лидери од вообичаените шефови, е нивната способност разбирливо да ги презентираат своите планови и да ги вклопат во целокупната слика.
3. „Сакам да имаме корист од твоите силни страни“
Овој начин на размислување ја нагласува единственоста на секој човек во еден свет во кој на вработените се гледа како на лесно заменливи. Ако ја бараме големината во секој човек, со кој работиме, неизбежно ќе откриеме нешто навистина големо.
4. „Што мислиш?“
Најдобрите шефови не дозволуваат егото им да застане на патот на иновациите. Тие бараат совет и упатство од секој човек, со кој работат, без да бидат заинтересирани во неговото ниво во хиерархијата.
5. „Како да помогнам?“
Началникот треба да одвојува време за да разбере како се чувствуваат членовите на неговиот тим и имаат ли потреба од помош.
6. „Добра работа!“
Колку и добри да се условите на работа, платата и бонусите за луѓето е важно да знаат дека нивните напори не остануваат незабележани.