Шилегов: Споменикот на УЧК е работа на Општина Чаир, Град Скопје во таа постапка нема правен допир
Објавено во: Македонија 25 Февруари, 2018
Во интервју за „360 Степени“, градоначалникот на Скопје, Петре Шилегов , зборуваше за отстранувањето на споменикот на Андон Јанев-Ќосето. Тој исто така истакна дека нема да го урива споменикот на УЧК во Чаир, бидејќи Градот Скопје нема надлежност во случајот.
На интервјуто новинарот му го постави и прашањето кое му беше упатено од ТМРО: „ТМРО Ве праша дали ќе го тргнете и споменикот на УЧК во општина Чаир за кои тие тврдат дека е нелегално, незаконски поставен“.
„Оној истиот каде што тие асистираа да биде поставен, така? ТМРО и ВМРО тогаш беа коалициони партнери, да не се лажеме, и јавноста добро го знае сценариото. Градот Скопје лично во таа постапка нема правен допир. Ниту се појавува како инвеститор, ниту како поставувач и затоа не можете да извлечете паралела помеѓу постапувањата на градот во уривањето на дивоградбата наречена Ќосето и споменикот во Чаир на УЧК. Тоа е работа на општинските органи на Општина Чаир, не е ингеренција на градот и на Министерството за транспорт и врски. Очигледно е дека повторно станува збор за евтин популизам и примитивизам во политиката за популистички цели, за да се изедначи една легална, законска постапка, со нешто што треба да даде слика на еднаквост“ – одговори Шилегов.