ШОК ПРИЗНАНИЕ: Нутела и прашокот не се исти за сите
Објавено во: Свет 27 Јули, 2017
Претседателот на ЕК Жан Клон Јункер признал после средбата со словачкиот премиер Роберт Фицо дека навистина има проблем со двојните аршини за намирници и стока.
Јункер оценил дека тој проблем не е безначаен и дека таа пракса на различен состав е неприфатлива, но рекол дека верува оти нема да биде потребно поради тоа да се воведуваат нови европски закони.
„ЕК смета дека проблемот на различни производи со исто име не е безначаен, ќе му посвети целосно внимание“, рекол Јункер на заедничката конференција за новинари со Фицо, јави словачката ТВ ТА3.
Таа пракса да, на пример во сувомесните преработки за новите Евројанци има помалку месо и повеќе адитиви иако цената е речиси иста, а некогаш на Западот и помала, или прашокот за перење подобро пере во западна Европа отколку на исток, за Европската комисија е неприфатлива, но според зборовите на Јункер, засега не се потребни за тоа посебни нови прописи, иако во иднина не ги исклучува.
Словачкиот премиер Фицо на состанокот во Брисел дошол како емисар на целата Вишеградска четворка која во последните години се погласно бара тие земји да престанат да бидат канта за ѓубре на Европа, и Чесите, Полјаците, Словаците и Унгарците да имаат целосно право под исто име да добиваат производи од ист состав и квалитет.
„За мене е најважно ЕК што го призна проблемот и дека ќе дејствува да се реши. Нема врска како ќе го решава. Сеедно ми е дали мачката е црна или бела, главно е да лови глувци“, рекол Фицо.
Премиерот на Словачка одбил повторно дека се работи за смешен проблем и изразил надеж дека таквата пракса која ги претвора Словаците во Европејци од понисок ред постепено ќе исчезне.
Чешката еврокомесарка Јоурова, која исто така активно води борба да произвдоите во Европа бидат сите со ист квалитет, предупредила, меѓутоа, претходно дека сега веќе членките имаат национални контролни механизми со кои би можеле во голема мерка таквата пракса на двојни аршини да ја сузбијат.