Шокантно признание на продуцент на CNN - Водиме сра.. пропаганда против Русија
Објавено во: Свет 27 Јуни, 2017
Project Veritas со новинар на тајна задача успеа да дојде до признание од продуцентот на CNN Џон Бонифилд дека светската ТВ мрежа води само пропаганда против Русија за нејзиното мешање во американските избори и наводите дека директно соработувале со претседателот Доналд Трамп.
- Можеби навистина е срање. Сега, барем е срање. Немаме никакви големи докази за вмешаноста на Русија. Сепак, рејтинзите се огромни. Директорот на еден интерен состанок ни даде пофалби за начинот на кој известувавме за Парискиот климатски договор, но потоа ни рече да се вратиме на приказната за Русија бидејќи тоа носи голема гледаност, вели Бонифилд пред репортерот кој е маскиран и снима тајно.
Проектот Веритас е насочен кон истрага на различни либерални невладини организации, фондации и медиуми и често користи невообичаени, па дури и шпионски методи во новинарските извештаји. Се чека и на одговор на CNN за овој потенцијално голем скандал.
Разувачките агенции на САД и понатаму стојат зад својот заеднички извештај дека Руската влада преку хакерски напади сакала да ги дискредитира претседателските избори во 2016-та за што се води кривична истрага, но Трамп смета дека станува збор за политички лов на вештерки против него.