Добивај вести на Viber
Шпанската полиција соопшти дека нанесла историски удар за кинеската мафија, разбивајќи мрежа за перење пари. При операцијата „Император" се уапсени 83 лица и се конфискувани околу 12 милиони евра.
58 од уапсените се кинески државјани, на чело со познатиот бизнисмен Гао Пин. Тој се смета за еден од шефовите на мрежата, во која годишно се перат околу 300 милиони евра, соопшти БНР.
Меѓу 17-те уапсени Шпанци е познатиот порно-актер Начо Видал, има полицајци и високи службеници. Конфискувани се 10 милиони евра во кеш. Кон нив треба да се додадат уште два милиони, одземени за време на истрагата.