18 Ноември, 2017
0.3467
    ALK 7409.18    0.11%     KMB 2701    -0.03%     MPT 27782.13    -0.78%     STB 934.8    0.37%     TEL 272    -2.82%     TPLF 1656.25    -2.52%

Штериев: Берзата и официјално ќе покрене иницијатива за Совет за развој на пазарот на капитал

Објавено во: Економија 21 Април, 2017

Иван Штериев, првиот човек на Македонската берза на 18-та конференција која се одржува во Охрид истакна дека посериозно ќе се покрене иницијатива за креирање на Совет за развој на пазарот на капитал во Македонија.

- Во оваа прилика уште еднаш сакаме јавно да ја промовираме нашата стара заложба за системско стимулирање и подршка на пазарот на капитал во Република Македонија. Постои широк спектар на алтернативи што им стојат на располагање на носителите на економските и другите политики за поттикнување, унапредување и поефикасно функционирање на пазарот. Развојните алтернативи се поврзани со повеќе области од кои зависи функционирањето на пазарот на хартии од вредност (законодавство и регулација, пензискиот систем, фискалната политика, приватизацијата и деловните планови на државните и јавните претрпијатија, диверсификацијата на понудата на финансиски инструменти, политиката за равој на мали и средни претпријатија, корпоративното управување, финансиската едукација итн.). Во овој контекст, Берзата и официјално ќе покрене иницијатива за формирање на т.н. Совет за развој на пазарот на капитал, во којшто би членувале соодветни институции и организации, според примерот на некои други земји, како на пример Австрија, Унгарија и Бугарија. Сметаме дека вакво тело уште повеќе станува неопходно, со оглед на тоа што пред нас се предизвиците на донесување и имплементација на новите закони во областа на пазарот на капитал, позиционирање визави ЕУ проектот Capital Market Union, којшто концептуално се проширува и на државите од нашиот субрегион, како и завршувањето на мерката задолжителна котација во 2018 година, посочи Штериев во Охрид.

Берзата суштински не може да влијае на многу процеси чии исходи се рефлектираат на неа. Тргнувајќи од оваа аксиома ги формулираме приоритетите во коишто ги вложуваме нашите лимитирани кадровски и финансиски ресурси – а тоа се, како што објаснивме, максимална посветеност и упорна работа во доменот на регионализацијата (СЕЕ Линк) и конкретен придонес во функција на креирање стратешки пристап во дизајнирање на системски политики за развој на пазарот на капитал (формирање на споменатиот Совет за развој на пазарот, колку и да во моментот постојат други институционални приоритети на државно ниво). Истовремено, на оперативно ниво Берзата и понатаму ќе се фокусира на обезбедување квалитетни и современи услуги за сите пазарни учесници (издавачи, инвеститори и финансиски посредници), со акцент на максимална можна употреба на нови технологии во работењето. Во тие рамки, особено сме подготвени да им асистираме на издавачите што ќе одлучат својот развој да го финансираат преку пазарот на капитал, проширувајќи ја лепезата на овие свои услуги (едукациски и консултантски) среднорочно и кон малите акционерски друштва, односно компании кои не функционираат како акционерски друштва, вклучително и т.н. стартапи. Токму на оваа проблематика е посветен добар дел од овогодишната берзанска конференција. Токму поради ова, изработката на новата верзија на нашата десктоп и мобилна веб страна деновиве ја доделивме на една стартап компанија од Скопје, посочи Иван Штериев предводникот на Македонска берза.

Можеби ќе ве интересира

Се „топи“ ли времето за ФЕНИ?

Се „топи“ ли времето за ФЕНИ?

КАДЕ ЧЕКОРИ ЕКОНОМИЈАТА: Ќе има ли повисоки плати и стабилни пензии?

КАДЕ ЧЕКОРИ ЕКОНОМИЈАТА: Ќе има ли повисоки плати и стабилни пензии?

МЕПСО го засили и стабилизираше снабдување со струја во југозападниот дел

МЕПСО го засили и стабилизираше снабдување со струја во југозападниот дел

Биткоинот достигна 13.000 долари на берзата во Зимбабве

Биткоинот достигна 13.000 долари на берзата во Зимбабве

Земјоделците добиваат долго посакувана „зелена“ нафта

Земјоделците добиваат долго посакувана „зелена“ нафта

СПОРЕДБА СО ЕУ: Двојно позагадени со двојно помалку возила

СПОРЕДБА СО ЕУ: Двојно позагадени со двојно помалку возила

Како „Фершпед“ за еден квартал ја удвои добивката?

Како „Фершпед“ за еден квартал ја удвои добивката?

Велешкиот суд ќе одлучува за можноста за стечај на „Фени индустри“

Велешкиот суд ќе одлучува за можноста за стечај на „Фени индустри“

МАКЕДОНИЈА СО НАЈМАЛ РАСТ ВО РЕГИОНОТ: Друштво и прави Србија

МАКЕДОНИЈА СО НАЈМАЛ РАСТ ВО РЕГИОНОТ: Друштво и прави Србија