28 Јуни, 2017
0.0597

Што го натера Божиновски да штрајкува со глад во затвор?

Објавено во: Македонија 22 Септември, 2016

Новинарот Зоран Божиновски во затвор пред една недела почнал штрајк со глад поради неоправдано продолжување на притворот и одолжување на судскиот процес. 

За ова денеска информираше  претседателот на Здружението на новинари на Македонија, Насер Селмани. Иако од затворската управа го знаеле тоа, не пренеле на неговиот адвокат, ниту на Народниот правобранител.

„Ја повикуваме судијката Сандра Крстиќ веднаш да го укине притворот на колегата Божиновски, а во спротивно неа ќе ја сметаме за одговорна за евентуалните последици што ќе се предизвикаат по здравјето и животот на колегата. Исто така, го повикуваме Народниот правобранител да го посети Божиновски во затвор и навремено да ги предупреди институциите за последиците, ако не постапуваат соодветно на ситуацијата“– вели Селмани.

Според него,  случајот со Божиновски е политички процес на власта за да замолчи еден новинар.

Поддршка за ослободување на Божиновски даде и Рикардо Гутиерес, генерален секретар на Европската федерација на новинари (ЕФН). Вели дека го поддржува ЗНМ во барањето Божиновски веднаш да биде ослободен. Додава дека побарале од Кривичниот суд дозвола да го посетат Божиновски, но одговор не добиле. 

„Овој случај го пријавивме и во платформата за новинари на Советот на Европа. Досега од Македонија на оваа платформа имаме пријавено случаи за осум новинари врз кои било извршувано заплашување или биле уапсени, што е двојно повеќе од Албанија за која имаме пријавено само четири случаи“- рече Гутиерес.

Македонија на 13 март 2016 година ја потпиша декларацијата за заштита на новинарите и затоа прашуваат што направи власта на ова поле. 



Можеби ќе ве интересира

Ѓоргиев повеќе не е портпарол на Владата

Ѓоргиев повеќе не е портпарол на Владата

Владата што е можно побрзо со ревизија на договорот за нов „Клинички“

Владата што е можно побрзо со ревизија на договорот за нов „Клинички“

Филип Петровски е разрешен, тој обвини за режим

Филип Петровски е разрешен, тој обвини за режим

Ахмети побара нова лидерска средба за владината програма

Ахмети побара нова лидерска средба за владината програма

Заев најави трајно решение за работниците на Колска

Заев најави трајно решение за работниците на Колска

ШАРЕНИТЕ ВО ВЛАДА: Илинденска засилена, граѓанскиот активизам ослабен!?

ШАРЕНИТЕ ВО ВЛАДА: Илинденска засилена, граѓанскиот активизам ослабен!?

Прибе: Да видиме што ќе направиме, само што почнавме со работа

Прибе: Да видиме што ќе направиме, само што почнавме со работа

Ромео: Владата на Република Македонија е посветена на обврските од Берлинскиот процес

Ромео: Владата на Република Македонија е посветена на обврските од Берлинскиот процес

ЛЕТНА ЖЕГА: Што да правите и како да се заштитите од топлотен удар

ЛЕТНА ЖЕГА: Што да правите и како да се заштитите од топлотен удар