Што го разниша рејтингот на Агрокор?
Објавено во: Економија, Балкан 09 Јануари, 2017
За влошување на рејтингот пресудна е комбинација од слабиот резултат од лани и високите камати за задолженост.
За Агрокор групата оваа година почна лошо.
Агенцијата за оценување на кредитен рејтинг Мудис акциите на компанијата ги турна за ниво подолу.
Агрокор падна од Б2 на Б3 ниво. При тоа изгледите за периодот до следната ревизија се оценети како стабилни.За влошување на рејтингот на Агрокор пресудна е комбинација од слабиот оперативен резултат од лани и високи камати за задолженост на групата.
Како што истакнува Винсент Гусдорф, аналитичар и потпретседател на Мудис со работењето во првите 9 месеци од 2016 година, малку е веројатно дека Агрокор ќе одговори на задолженоста за Б2 рејтинг.
Тој оценува дека оваа година и покрај острата конкуренција во Хрватска и Словенија, Агрокор ќе го стабилизира работењето.
Во домашните деловни кругови оваа вест не се смета за изненадување.
За многумина ова е сигнал дека оваа година ќе биде голем предизвик за најголемиот приватен работодавец.
Поради конкуренцијата, малопродажбата, компанијата е изложена на зголемени ликвидни притисоци.
Во деловните кругови се зборува дека Агрокор е притиснат со рокови за плаќање на доставувачите, а се доцни и со исплата на плати.
Во септември задолженоста била 25,5 милијарди куни.
Иако е тоа за 300 милиони куни помалку, сепак е терет за обврските.
На 24 милијарди куни долгорочен долг во септември лани, доспеваат уште 5 милијарди куни.
Два месеци пред тоа Агрокор договори со австриската подружница на руската ВТБ банка, 340 милиони евра кредит.
Други банкарски долгови доспеваат за враќање од 2018 до 2021 година.
Аналитичарите сметаат дека Агрокор во следните квартали ќе се стабилизира и ќе го подобри работењето.