Што изјави Дачиќ за состојбата во Македонија?

Добивај вести на Viber

Српскиот шеф на дипломатијата, Ивица Дачиќ изјави дека Србија нема да се меша во внатрешните работи во Македонија, без разлика кој ќе биде на власт во земјата.

Тој, додаде дека Србија е заинтересирана за стабилноста во регионот.

Дачиќ објасни дека изјавите на претставниците на косовските Албанци за создавање на Голема Албанија, сe наменети за Брисел, а не кон Белград.

Но, овие изјави,  сепак вели се закана за стабилноста на регионот.

„Албанците играат на сè или ништо, блефираат, а изјавите не се наменети за Белград, туку за Брисел“ - вели Дачиќ. 

Тој рече дека не е тешко да се направат „провокативни изјави”, или да се зборува за обединување на сите Срби.

Тој потсети дека претседателот на Република Српска, Милорад Додик, е под санкции од американската администрација затоа што повика на одржување на референдум за Денот на РС.

Изјавите на косовските и на албански официјални претставници зборуваат за Голема Албанија и тие треба силно да се осудат.

Дачиќ истакна дека Албанците не се „сила од која некој треба да се плаши”, додавајќи дека Србија исто така не им се плаши, но мудро не реагира и не покажува сила.