Што кажува вашиот паметен телефон за вас?

Добивај вести на Viber

Сопствениците на iPhone се личности кои сакаат луксуз и парите ги трошат на облека и козметички средства, сопствениците на BlackBerry се личности кои заработуваат доста пари и главно се во долги врски, додека оние кои најмногу го сакаат оперативниот систем Android имаат убави манири и се вешти во кујната, покажа неодамнешното истражување. Компанијата "TalkTalk Mobile" го нарача истражувањето во кое учествуваа 2.000 луѓе, за да се открие дали изборот на паметен телефон има врска со карактерот на личноста. Се покажа дека сопствениците на iPhone се амбициозни и успешни личности кои себе си се сметаат за привлечни, внимателни и полни со самодоверба, како и дека парите ги трошат на луксузни ситници кои ги развеселуваат. Исто така, за себе тврдат дека се паметни и заводливи, а генерално работат во медиумската бранша. Сопствениците на BlackBerry генерално се луѓе кои се занимаваат со некој бизнис, добро заработуваат и деновите ги поминуваат телефонирајќи и праќајќи мејлови. Покрај тоа, тие се личности кои се во долги врски и имаат многу пријатели. Исто така, тие многу пијат кафе и чај, и се големи гурмани. Истражувањето покажа дека сопствениците на телефони со оперативен систем Android имаат убави манири, креативни се и генерално се добри готвачи. Но, истражувањето покажа и дека тие повеќе гледаат ТВ од, на пример, корисниците на BlackBerry или iPhone, а и повеќе консумираат алкохол. Исто така, истражувањето покажа дека корисниците на Android се тивки, срамежливи личности кои по природа се многу смирени. "Мобилните телефони се наш одраз во денешно време, бидејќи постојано се со нас", вели Дан Медер, директор на "TalkTalk Mobile". Тој истакнува дека луѓето секогаш бараат телефон кој најмногу им одговара, а дека тоа го покажала и студијата, иако секако, не се однесува на секој корисник на паметен телефон.