Што пишуваат грчките медиуми пред посетата на Коѕиас на Скопје?

Добивај вести на Viber

Повикувајќи се на дипломатски извори, медиумите во Грција пишуваат дека грчкиот министер за надворешни работи, Никос Коѕиас и македонскиот шеф на дипломатијата, Никола  Димитров ќе разговараат само за мерките за градење доверба и за најновите случувања во регионот. 

Коѕиас во Скопје доаѓа овој четврток.  Тој во Македонија ќе остане само еден ден и освен со Димитров ќе се сретне и со премиерот Зоран Заев, со претседателот Ѓорѓе Иванов, а се договара средба и со лидерот на ВМРО-ДПМНЕ, Никола Груевски. Што се однесува до главното прашање – спорот за името, дипломатски извори во Атина брифирале дека ќе се опипува пулсот дали има вистински намери да се реши. 

Весникот То Вима пишува дека грчката Влада ќе се обиде да спречи Македонија да го ја монополизира конструктивноста во процесот. Од друга страна се обидува да покаже дека и новата Влада на Заев нема волја за тоа. 

Овој месец и весникот Катимернини пишувајќи за посетата на Коѕиас на Скопје на 31 август потсети дека новата македонска Влада е во своите први 100 дена од формирањето, а напредокот во спорот коментираат дека ќе оди бавно. 

Весникот пишува и дека Македонија во октомври ја очекуваат локални избори.