Што покажува индикаторот на доверба во преработувачката индустрија?

Добивај вести на Viber

Индикаторот на доверба во преработувачката индустрија во февруари 2017 година е за 0.5 процентни поени понизок во однос на претходниот месец, а во  однос на февруари 2016 година е зголемен за 2.7 процентни поени, објави Државниот завод ѕа статистика. 

Состојбата на обезбеденоста на производството со порачки во февруари 2017, во однос на јануари 2017 година, е понеповолна, очекувањата за обемот на производството во наредните три месеци се поповолни во однос на претходниот месец, а залихите на готови производи сe намалени во однос на претходниот месец.  Оценката за економската состојба на деловните субјекти во февруари 2017 година е понеповолна во однос на претходниот месец, а поповолна во однос на февруари 2016 година. Оценката за бројот на вработени е дека ќе остане речиси ист. Просечното искористување на капацитетите на деловните субјекти во февруари 2017 година изнесува 65.1% од нормалното искористување. Најголемо влијание на ограничувањето на обемот на производството имаат следните фактори: недоволната странска побарувачка со 21.8%, недоволната домашна побарувачка со 19.9% и недостигот на квалификувана работна сила со 18.3%.