Што се случува со македонските работници кога ќе побараат покачување?
Објавено во: Финансии 25 Јануари, 2017
Во Македонија не секој работник се решава да побара покачување на платата.
Оние кои направиле таков чекор велат дека ризикувале да останат без работа. Според нив, во моментот кога ќе му соопштат на работодавецот дека бараат повисока плата, тогаш се наведуваат низа изговори за да не биде како што посакува работникот.
„Пред две години побарав покачување. Сакав дневницата да ми биде коригирана со 100 денари дневно, а бидејќи во градежништвото се работи по 26 дена месечно, по 10 часа дневно, тоа се 2600 денари плус на крајот од месецот. Работодавецот не ми потврди веднаш, ми кажа „Ќе видиме“, а добив по 50 денари дневно. Знаејќи ја нашата ситуација во државата, бев задоволен затоа што добив 1300 денари месечно плус или тоа ми се пари за оброк во текот на месецот“ – раскажува Александар М, градежен работник од внатрешноста.
Девојка која работи во фризерски салон вели дека кога преговарала за платата, работодавците делумно го земале во обзир нејзиното мислење.
„Се слушна и мојот глас и на крајот беше 50-50. Се прифати нешто од она што јас го барав и дојдовме до компромис. И тие биле работници пред да бидат газди и знаат како е. Во иднина ако мислам дека заслужувам покачување на плата ќе побарам, ако не нема да го направам тоа“ – додава девојката.
Друга работничка која работела во продавница за облека, раскажува дека покачување на плата не барала затоа што знаела дека нема да го добие. Сепак на тоа работно место се задржала додека да почне со студии.
„Јас работев само неколку месеци за мала плата. Имаше други колешки кои со години не беа пријавени. Мислам дека во големи претпријатија ако сите работници се сложни ќе добијат покачување. Вака многу малку им покачуваат во фабрики и ги плаќаат најмногу 55-60 денари по час“ – вели таа.
Весна Гарванлиева, економист во Центарот за економски анализи вели дека работиците преку синдикат или директно можат да побараат покачување, но не би требало ова да биде причина за отказ и се зависи од односот со менаџментот на компанијата. Според неа, ако бара покачување работникот не треба да има реперкусии.
Сања Атанасовска
Можеби ќе ве интересира
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
АМЕРИКА МОЖЕ ДА СЕ СООЧИ СО СТАГФЛАЦИЈА: директорот на JPMorgan Chase предупредува „економијата на САД се враќа на проблемите од 70-тите“
ВТОР МЕСЕЦ ПО РЕД ПАЃААТ - проесечната нето плата 39.276 денари, еве во кои сектори има најголемо намалување
АКО ВЕЌЕ „ГЛАВАМ“ ВО БАНКА, БАРЕМ НЕКА БИДЕ ЗА ДА СИ КУПАМ СТАН - голем пораст на станбените кредити, еве колку должат граѓаните
ДА СЕ ОДАНОЧАТ ТРИТЕ ИЛЈАДИ НАЈБОГАТИ ВО СВЕТОТ, А ПАРИТЕ ДА ОДАТ ДИРЕКТНО КАЈ СИРОМАШНИТЕ - еве го планот на една нобеловка
ЕВЕ КАДЕ ГИ ВЛОЖУВААТ СВОИТЕ ПАРИ 0,001 ПРОЦЕНТ ОД НАЈБОГАТИТЕ: Живеат поинаку од остатокот од светот
