Добивај вести на Viber
Еден од трите оператори на мобилна телефонија во Ирак, „Ејшасел“ соопшти ќе се обиде да собере 1,3 милијарди долари преку иницијална јавна понуда, најголема досега во Ирак.
Успешната иницијална јавна понуда на берзата на акции во Багдад, на која обемот на тргување е обично низок, може да ги смири инвеститорите, кои и понатаму се плашат да инвестираат на ризичниот ирачки пазар, иако помина речиси една деценија од почетокот на американската инвазија во 2003 година.
Јавната понуда е закажана за 3 јануари. Ејшасел тогаш планира да понуди 67,5 милијарди акции по минимална цена од 22 ирачки динари, или нешто под 2 цента по акција, при што на инвеститорите ќе биде даден рок до 2 февруари да ги предадат понудите.