Швајцарците строго против членство во ЕУ и НАТО
Објавено во: Свет 28 Мај, 2017
Поголемиот дел од Швајцарците сакаат нивната земја да води политика на неутралност и економска независност. Само 19% од граѓаните се "за" влез во НАТО и само 15% - "за" членство во Европската унија. Тоа го предвидува објавено од Берн годишен извештај "Безбедност 2017".
"Процентот на луѓето кои имаат поволен однос кон пристапување кон Европската унија или НАТО, е многу низок", се истакнува во истражувањето. Во споредба со минатата година, бројот на оние кои сакаат да се приклучат на ЕУ, е намален за 1%. Во исто време, 81% од швајцарските граѓани ја одобруваат економската соработка со заедницата, која е главен трговски партнер на алпската република. Што се однесува до НАТО, како и минатата година, пристапувањето кон Северноатлантската алијанса го поддржуваат 19% од испитаниците. Вкупна "неутралност" сепак преферираат близу 95 отсто од граѓаните.
73% од Швајцарците се песимисти кон перспективите за развој на средината за безбедност во светот, но вкупно 93% се чувствуваат сигурни во својата земја. Во споредба со 2016 година се зголемува довербата во државните институции и во печатот - од 0,1 до 6,7 поени на скалата. Најголема доверба во овој случај е изразена кон полицијата (7,9).
Извештајот подготвен од експерти на Воената академија и Центарот за безбедносни студии и Федерално Политехничкото училиште во Цирих, ги претстстави резултатите од истражувањето спроведено во јануари од институтот LINK меѓу 1209 испитаници.
Специјалистите велат дека оваа година голем број на фактори влијаеле на одговорите на граѓаните. На прво место, во извештајот се наведува "постојаните тензии меѓу Русија и Европската унија во врска со кризата во Украина.
Ова имаше влијание врз ставовите на испитаниците, како и прашањето со бегалците во Европа, излегувањето на Велика Британија од ЕУ и терористичките напади во Стариот континент.