Добивај вести на Viber
Швајцарија замрзна речиси една милијарда швајцарски франци, односно повеќе од една милијарда долари, украдени средства поврзани со диктатори во четирите земји на Арапската пролет - Египет, Либија, Сирија и Тунис, соопштува швајцарското министерството за надворешни работи.
Швајцарските власти соработуваат со правосудните органи на Тунис и Египет да се забрза повратот на овие средства, но се очекува дека тоа може да потрае со години, изјави шефот на одделението за меѓународното право, Валентин Зелвегер.
„Во минатото, најбрзо беше решен случајот за Абача кој траеше пет години", вели Зелвегер, потсетувајќи на повратокот на средства на сега веќе починатиот нигериски диктатор Сани Абача.
Швајцарската министерка за надворешни работи Дидие Буркхалтер, во неделата во Каиро, разговараше со својот египетскиот колега Мохамед Камал Амрон за соработка на правосудните органи на државите поради враќање на блокираните средства, вели Зелвегер. Тој додава и дека најголемиот дел од блокираните средства, 700 милиони франци, се поврзани со поранешниот египетски претседател Хосни Мубарак и неговите соработници.
Замрзнати се околу 60 милиони франци поврзани со соборениот туниски претседател Бен Али и 100 милиони франци поврзани со убиениот либиски лидер Моамер Гадафи и сирискиот претседател Башар ал-Асад и неговите соработници.
„Денес во рамките на Арапската пролет, блокирани се вкупно една милијарда франци", вели Зелвегер на прес-конференцијат во Женева, каде што ги презентираше најновите податоци за износот на средства блокирани во почетокот на 2011 година.