Силни земјотреси кај Измир и на Лезбос
Објавено во: Балкан 06 Февруари, 2017
Земјотрес од 5,1 степени според Рихтеровата скала утрово е регистриран на грчкиот остров Лезбос во источниот дел на Егејското Море.
Претходно земјотрес имаше и во Турција.
Како што соопшти Атинскиот геофизички институт, епицентарот на потресот бил во северниот дел на Лезбос.
Европскиот медитерански сеизмички центар пак соопшти дека земјотресот бил со јачина од 5,2 степени според Рихтер, на длабочина од два километри под површината на земјата, со епицентар на 156 километри северозападно од турскиот град Измир.
Грчките сезимолози велат дека во последниве дваесетина дена во реонот на источниот дел на Егејското Море крај турскиот брег, се регистрирани десетина послаби земјотреси со интензитет меѓу 2 и 4 степени.
Последниве два дена имало и повеќе послаби потреси во двете земји.
Засега нема информации за жртви или предизвикани материјални штети.