Сирија на прагот од тотална војна?

Добивај вести на Viber

Во Сирија има ново прегрупирање на силите, а сега во „игра“ влегуваат сириските Курди кои склучија сојуз со претседателот Асад за борба против Турција. Веста за сојузот на курдските Единици за народна заштита (ЈПГ) и Асад дополнително ја комплицира ситуацијата во Сирија, па сега по се` изгледа на теренот ќе се борат на иста страна САД, кои ги поддржуваат Курдите, и Асад, поддржан од Иран и Сирија, против Турција, американски сојузник во НАТО.

Турција на 20 јануари ја почна операцијата „Маслиново гранче“ против сириските Курди, и тоа во регионот Африн. Анкара ги смета ЈПГ за продолжена рака на Работничката партија на Курдистан (ПКК), чија борба за автономија на Курдите во Турција со децении е трн во око на турските власти, пренесува „Јутарњи лист“.

Истовремено, Иран ја поддржува опцијата за зближување на сирискиот режим и Курдите, како две страни кои контролираат најголеми територии во Сирија. 

Од друга страна, новонастанатата ситуација им задава главоболка на сите останати - Турција, Русија и САД. Русије се повлече од Африн пред почетокот на турската офанзива, очигледно бидејќи не сакаше да ги загрози дипломатските односи со Анкара, но тоа го стори на сметка на сириските Курди, кои ја обвинија Москва за предавство. САД исто така губат. Бидејќи ги помага ЈПГ, Вашингтон е во директен судир со својот НАТО-сојузник.

Анкара се заканува дека е подготвена да се бори со сириските сили доколку влезат во Африн и дека никој нема да може да ја спречи. Останува прашањето дали ќе дојде до масовен судир?