СИТЕ ГО БАРАА: Тој е жртва на нападите во Барселона
Објавено во: Свет 20 Август, 2017
Детето кое беше исчезнато загинало во нападот во Барселона.
Станува збор за Џулијан Кадман, 7-годишното момче кое беше исчезнато по нападот во Барселона.
„Семејството на Џулијан Кадман нѐ извести дека тој за жал е дел од жртвите во терористички напад. Во овој неправеден и болен миг ја делиме болката на семејството и блиските на Џулијан. Нека почива во мир“- напиша здружението SOS Desaparecidos (СОС исчезнати) на социјалните мрежи.
Каталанската полиција и семејството на Џулијан потврдија дека тој е една од жртвите во убиствениот терористички напад на Лас Рамблас во Барселона, напад во кој загинаа 14 лица, а над сто се повредени.
Малиот Џулијан имаше двојно британско и австралијанско државјанство. По нападот фотографијата на Џулијан беше објавена низ целиот свет затоа што тој од четвртокот се водеше како исчезнат. Неговиот дедо од Австралија испрати повик за потрага на Џулијан со неговата фотографија.
Мајка му беше ранета во нападот и е во болница со тешки повреди, но нејзината состојба е стабилна, велат лекарите. И таткото пристигна во Барселона каде што сведочи пред шпанската полиција.