Добивај вести на Viber
Седма година по ред, по повод манифестацијата “Денови на македонскиот мед”, пчеларите од целата земја ќе ги презентираат своите производи на улицата Македонија во Скопје. На 35–те штандови што ќе се постават во строгиот центар на градот, ќе бидат изложени и презентирани сите пчелни производи: мед, матичен млеч,полен, прополис и други. Во периодот од 27 до 29 овој месец, посетителите ќе имаат можност на едно место да ги дегустираат сите пчелни производи и да се запознаат со нивната хранлива моќ.
Манифестацијата ја организира општината Центар и пчеларското здружение “Матица”, а свеченото отворање ќе биде на 27 овој месец. Освен презентација на пчелните производи, предвидена е и културно-забавна програма.