18 Август, 2017
0.0554

СЈО е искрата која ја разгорува љубовта меѓу Груевски и Ахмети

Објавено во: Македонија 11 Јануари, 2017

Мандатарот Никола Груевски ги ситни 20-те дена кои му ги додели претседателот Ѓорѓе Иванов за состав на нова влада. Но, наместо да се зголемуваат шансите дека старите партнери, ВМРО-ДПМНЕ и ДУИ, одново ќе ја обноват „врската“, се повеќе се навестува дека коалицијата нема повторно да се обедини во власта, туку се подготвува за нови избори.

Ахмети верен до гроб

Оваа можност ја навести претседателот на ДУИ, Али Ахмети, којрече дека сите опции се отворени, па дури и одење во опозиција или нови избори, но одлуката за тоа мора да се разгледа 99 пати, па дури потоа да се пресече. Тој  вели дека засега останува на принципот на коалицирање на партиите победници во своите етникуми.

„Треба да се разбере дека и на ВМРО-ДПМНЕ не му било лесно да коалицира со ДУИ во 2008 година имајќи во предвид дека само неколку години претходно тие беа „терористи“. Преговори со победничка партија се логичен след, имајќи предвид дека коалиција со СДСМ не би произведувала сигурност во државата, иако освоила 49 пратеници. Кој би ја гарантирал безбедноста во државата кога партија која не е победник на изборите би формирала влада. ВМРО-ДПМНЕ е политичка сила која има поголем капацитет од СДСМ, и има речиси 100% македонски гласачи“, рече Ахмети во интервју за телевизијата ТВ21.

Според аналитичарите, одолговлекување на кризата и нови избори најмногу и одговара на ВМРО-ДПМНЕ, а ДУИ е алатката во нивни раце која тоа може да го издејствува. Причината е едноставна. Се додека не се состави влада и политичката криза станува подлабока, продолжувањето на мандатот на Специјалното обвинителство е неизвесно.

Груевски и ги брои деновите на Катица Јанева

Такво сценарио најави лично лидерот на ВМРО –ДПМНЕ во едно од последните интервјуа, кој рече дека „од авион се гледа дека СЈО работи под сугестија на некои амбасади и очигледно е дека некому надвор му треба СЈО за продолжување на кризата во Македонија“.

„Сето ова го кажувам за да објаснам дека нема правни или суштински потреби за продолжување на тие 18 месеци на СЈО, туку има политички потреби на надворешни фактори заради остварување некои други нивни цели и интереси. Идејата за пролонгирање на 18-те месеци не потекнува од СЈО. Тоа го знам, не го претпоставувам. Од овие причини ние донесовме одлука дека ВМРО-ДПМНЕ нема да се согласи за продолжување на рокот на СЈО и тоа неколкупати го објавивме. Ниту, пак, оние две други барања поврзани со Законот за заштитните сведоци и со судско одделение за предметите на СЈО“, изјави Груевски.

Мандатарот уште вели дека нема да прави коалиција по секоја цена, а Ахмети дека без прифаќање на платформата на трите партии на Албанците во Македонија, подобро е да има нови избори оти тешко дека е можно да се формира влада.

Мандатот на СЈО неизвесен

Ако се оди на варијантата на нови избори, најголем губитник би можело да биде Специјалното јавно обвинителство, чиј мандат за отворање на нови случаи и обвиненија истекува во јуни годинава.

Аналитичарите во оваа романса меѓу ВМРО-ДПМНЕ и ДУИ како нова искра која ја разгорува љубовта гледаат единствено во СЈО. Според нив тоа е игра за да се оневозможи работата на Катица Јанева, бидејќи целиот партиски врв на чело со Груевски се или осомничени или обвинети за криминал тежок милиони евра. Дури и документот од Тирана, кој на почеток наликуваше како обид за разгорување на меѓуетничките тензии, по второто читање повеќе личи како да е изготвен во координација со Груевски, бидејќи и таму недостасуваат клучните работи како продолжување на мандатот на СЈО или пак основање на Специјално судско одделение.

Груевски има рок од 20 дена за да состави нова влада. Доколку не успее, мора да го вратат мандатот кај претседателот Иванов, по што тој ќе го додели на Зоран Заев и СДСМ за даформираат парламентарно мнозинство. Ако не успее и вториот обид, тогаш ќе се организираат повторно избори.


Можеби ќе ве интересира

Весковски: По ударот на Јакимовски ќе си го вратиме Карпош, Бастионот на СДСМ

Весковски: По ударот на Јакимовски ќе си го вратиме Карпош, Бастионот на СДСМ

Нема ли храбри административци кои ќе пријават неправилности?

Нема ли храбри административци кои ќе пријават неправилности?

Судиите од Управен суд „разголени“, Судскиот совет им го симна имунитетот

Судиите од Управен суд „разголени“, Судскиот совет им го симна имунитетот

Клучен референдум против рудниците во Валандово

Клучен референдум против рудниците во Валандово

ВМРО-ДПМНЕ го оспори новиот директор на Спортска академија

ВМРО-ДПМНЕ го оспори новиот директор на Спортска академија

Шилегов: Македонија ќе биде држава каде се почитуваат законите по разрешувањето на Зврлевски

Шилегов: Македонија ќе биде држава каде се почитуваат законите по разрешувањето на Зврлевски

Македонската заедница од Канада не се откажува од своите симбоили

Македонската заедница од Канада не се откажува од своите симбоили

МНР засега нема информации за повредени Македонци во Барселона

МНР засега нема информации за повредени Македонци во Барселона

(ГАЛЕРИЈА) Вардар со минимално водство на полувремето против Фенербахче

(ГАЛЕРИЈА) Вардар со минимално водство на полувремето против Фенербахче