СЈО ЈА ДОБИ ПРВАТА БИТКА: Горан Грујевски осуден!
Објавено во: Македонија 08 Ноември, 2017
СЈО бараше максимална затворска казна, судот го осуди на 18 месеци затвор.
Горан Грујевски е првиот обвинет од СЈО кој што доби пресуда.
Екс началникот на УБК за палење докази за прислушувањето доби затворска казна од една и пол година затвор.
На поранешниот началник на УБК му се судеше во отсуство бидејќи се наоѓа во екстрадициски притвор во Солун .
Тој беше прв обвинет во предметот „Тврдина 2“ за уништување на документи, од кои дел биле поврзани со набавката на опремата за прислушување, додека останатите шест службенички вработени во Управата се осудени на условна казна. Пет од нив се осудени на условна казна од 9 месеци, а една од нив на 2 години.
Од Специјалното јавно обвинителство се задоволни во однос на првата пресуда.
„Денеска СЈО ја доби првата пресуда, обвинетите беа осудени, а ваквата пресуда беше во нашите очекувања. Правдата не треба да ја бараме само во судниците, туку и во работата на службениците. Изразуваме задоволство. Ние ќе ја почекаме пресудата и ќе ги разгледаме аргументите на Судот, па ќе одлучиме дали ќе се жалиме“, рече Ристоска.
Оттука се поставува прашањето дали има некаков договор во однос на пресудата за да Грујевски на крај ги открие нарачателите на прислушувањето.