СЈО поднесе барања за обезбедување на имот за „Триста“ и „Талир“
Објавено во: Македонија 26 Мај, 2017
Специјалното јавно обвинителство информира дека денеска до Основен суд Скопје 1 поднело барања за обезбедување на имот поврзан со предметите „Триста“ и „Талир“.
Барањето за вториот случај е преработено, при што се земени предвид укажувањата на ОСС1 при одбивањето на првичното барање за замрзнување имот.
„Во врска со предметот „Талир“ поднесено е ново барање до Судот за забрана за отуѓување и оптоварување на дел од недвижен имот кој потекнува од извршено кривично дело, при што во предвид се земени укажувањата на Судот искажани во одлуките со кои беа одбиени првичните барања за обезбедување на имот“- додаваат од СЈО.
За предметот „Триста“, кој е за набавката на 300 возила за МВР, до ОСС1 е поднесен предлог за привремена мерка забрана за отуѓување и оптоварување на недвижен и движен имот во сопственост на осомничениот помошник на министерот за внатрешни работи.
Во предметот „Триста“, помошник министер во МВР е осомничен за јавна набавка на 300 возила.