СКИЈАЧИТЕ РАЗОЧАРАНИ: Алпите се соочуваат со голи падини четврта година по ред

Добивај вести на Viber

Трета година по ред скијачите во Алпите бараат снег.

Сувиот декември го помрачи почетокот на ски сезоната во земјата и луѓето ги очекуваат со нетрпение снежните врвови, пишува Bloomberg. Постудениот јануари ги подобри малку условите, но непредвидливото време на почетокот на сезоната ја намали продажбата на билети во одморалиштата и промени многу планови за ски празниците.

По предвремено дивите бури во ноември, кои покренале лажни надежи за добра сезона на Алпите, декември донесе помалку снег во Швајцарија откога и да е во последните 100 години.

Во Јонгфрау околу туристичките населби Венген и Гринделвалд туристите се помалку за 25% од почетокот на сезоната.

Во минатата недела врнежите достигна до голем дел од Европа, вклучувајќи и до крајбрежниот град Таормина во Сицилија, познат по своите сончеви медитерански глетки. Делови на Алпите, особено Австрија и Источна Швајцарија, исто така беа покриени со снег, но на запад летувалишта како Шамони и Вал Дизер во Франција се едвај побелени.

Останува варијантата за вештачки снег, кој ќе ја подобри снежната покривка на падините. Прогнозите сепак покажуваат дека во наредните денови се очекуваат нови врнежи, но и покрај тоа тие остануваат доста под просекот за ова време од годината.

„Оваа година моите ски чевли се уште се во кутијата“, вели Мауро Лос кој е сопственик на ски училиште во Тренто, Северна Италија. „На 2 500 метри височина чевлите се покриваат само со прашина“, објаснува тој.

Според климатолозите непостојаното време, како постојано висок притисок, одговорен за сувите услови над Алпите во декември, само може да е знак за последиците од климатските промени.

„Не може да очекуваме работите да се исти како пред 50 години“, коментира Рето Кнут, професор на Швајцарскиот институт за атмосферски и климатски истражувања. Според него до крајот на векот снежната линија над која секогаш има снег, ќе биде меѓу 500 и 700 метри повисока од сега, а со текот на времето снег ќе има помеѓу четири и осум недели помалку.

Сезоната во Швајцарија веќе започнува 12 дена подоцна и завршува 26 дена порано отколку во 1970 година, објаснува и Мартин Ребетес, професор на Универзитет, кој заедно со своите колеги истражува податоци од 11 алпски метеоролошки станици во текот на четири децении.

Некои британски туристички агенции им дозволуваат на туристите да ја менуваат резервацијата, ако на местото што се резервира за ски, нема снег или обезбедуваат дополнителен превоз до места со соодветни услови.

Независно од влошените услови сезоната според туроператорите ќе биде приближно иста како минатата година.