Скокна цената на нафтата по нападот врз Сирија
Објавено во: Економија 07 Април, 2017
Цените на суровата нафта на светските берзи скокнаа откако армијата на САД изврши ракетен напад врз воздушна база во Сирија како одговор на употребата на хемиско оружје врз цивилно население во Идлиб што заврши со голем број на жртви.
Нафтата достигна рекордни 56 долари за барел што е највисока цена сметајќи од март годинава и експертите сметаат дека станува збор за избрзана реакција на брокерите во моменти кога постои голема нестабилност на геополитичката сцена и нарушените меѓународни односи.
Нападот со Томахавк ракети беше жестоко осуден од страна на рускиот претседател Путин кој рече дека Сирија е суверена држава, додека пак рускиот министер за надворешни работи смета дека ова многу наликува на ирачката офанзива во 2003-та.