21 Февруари, 2018
0.4520
    ALK 7801.99    -1.64%     BESK 10275    -3%     GRNT 810    -0.06%     KMB 3389.73    -0.22%     MERM 800    -20%     MPT 29500.63    0%     OKTA 3620    0.56%     RMDEN16 94.9    0.11%     RZUS 139    3.73%     SBT 2041    -2.86%     STB 940.85    0.03%     STIL 139.03    -4.1%     TETE 2286.67    2.27%     TKVS 3110    2.98%     TNB 13581.59    -0.42%     TPLF 1649.9    1.35%     TTK 947    -2.97%     UNI 2050    0%

Скокнаа цените на некои од автобуските билети – во прашање е акцизата или нешто друго?

Објавено во: Економија 13 Ноември, 2017

Откако беше најавено зголемувањето на акцизата на дизелот, дел од превозниците ги поскапеа повратените и месечните билети  за меѓуградски автобуски превоз.

Мало покачување има на месечните билети за релацијата Куманово – Скопје и повратниот билет за Скопје – Берово.

Поскапувањето иако е минимално, сепак создава незадоволство кај оние кои најчесто патуваат, студентите и работниците.  Беровчани ќе плаќаат за 100 денари поскап повратен билет, а кумановци месечно ќе даваат плус 200 денари.

„Сметам дека акцизата не е главна причина за поскапување на превозот затоа што минимално покачената акциза ќе стартува од јануари, а билетите се покачени од пред една недела. Но, и без покачување на акцизата ќе го направеа истото затоа што газдите сакаат поголем профит“ – вели студент од Берово.

Друг беровчанец смета дека оние студенти кои почесто си одат дома, нема да останат рамнодушни на новата цена на превозот.

„За мене е сеедно, затоа што не користам ваков вид на превоз, но за другите мислам дека ќе биде проблем.  Цените на горивата претходно варираа, се качуваа и паѓаа, но зошто тогаш никој не ги покачи билетите, а сега се качува заради акцизата“ – вели тој.

Никола Крстевски, студент од Куманово објаснува дека месечниот билет е поскап за 200 денари, од 2500 на 2700 денари и дека не е в ред буџетот да се полни врз грбот на граѓаните.

„Верувам дека простор за покачување е создаден заради најавите за покачување на акцизата иако акцизата ќе се зголеми од јануари. Покачената акциза за нафта меѓу први ги погоди студентите и работниците. Месечниот билет за автобуски превоз на релација Куманово - Скопје, поскапе од 2500 на 2700 денари. Стотици студенти и работници од Куманово кои работат или студираат во Скопје, секој месец купуваат билет на оваа релација“ – рече Крстевски.

Превозниците кои ги зголемија цените велат дека новите цени не се заради акцизата, туку реално имало потреба од корекција. Наведуваат дека за патниот правец Берово – Скопје со години цената на билетот беше ниска.

Владата проектираше зголемување на акцизата за 3,5 денари по литар, заедно со пресметано ДДВ. Министерот за финансии, Драган Тевдовски тогаш изјави дека зголемувањето на акцизата ќе го зголеми приходот во буџетот за околу 32 милиони евра, а растот на цената на дизелот нема да изврши инфлаторен притисок. 

Сања Атанасовска

Можеби ќе ве интересира

ИМА ЛИ АЛТЕРНАТИВА: Тевдовски e против зголемување на прагот за пензионирање

ИМА ЛИ АЛТЕРНАТИВА: Тевдовски e против зголемување на прагот за пензионирање

Целосна поддршка на акцијата на Министерството за земјоделство, шумарство и водостопанство за ставање ред во агросекторот

Целосна поддршка на акцијата на Министерството за земјоделство, шумарство и водостопанство за ставање ред во агросекторот

Македонските експерти ќе работат на странските пазари

Македонските експерти ќе работат на странските пазари

И ПОКРАЈ КРИТИКИТЕ, ТЕРАМЕ ПО СТАРО: Нови предвремени вработувања во администрација

И ПОКРАЈ КРИТИКИТЕ, ТЕРАМЕ ПО СТАРО: Нови предвремени вработувања во администрација

Видео: Како Бил Гејтс ја замислува иднината на мобилните плаќања?

Видео: Како Бил Гејтс ја замислува иднината на мобилните плаќања?

Нов директор во ЕЦБ е банкар кој никогаш не работел во Централна банка

Нов директор во ЕЦБ е банкар кој никогаш не работел во Централна банка

Интервју Јанкоски: Најбарани се компјутери од високите класи, Македонците знаат да препознаат квалитет

Интервју Јанкоски: Најбарани се компјутери од високите класи, Македонците знаат да препознаат квалитет

Обновено: Зошто Владата вложи 1 милион евра во акции на МЕР?

Обновено: Зошто Владата вложи 1 милион евра во акции на МЕР?

КОЈ ЌЕ БИДЕ НОВИОТ ГУВЕРНЕР: Многу имиња, една фотеља!

КОЈ ЌЕ БИДЕ НОВИОТ ГУВЕРНЕР: Многу имиња, една фотеља!