СКОПЈЕ СЕ СЕЌАВА: Пред 54 години страшен земјотрес го разурна градот
Објавено во: Македонија 26 Јули, 2017
Пред 54 години, на 26 јули 1963 година, Скопје беше разорено од силнeн земјотрес со јачина од 6,1 степени.
Во земјотресот 1000 до 1100 жители загинале, а најмалку 3000 лица биле повредени. Бројот на лицата кои останале без дом бил 200.000.
По земјотресот градот почнал да се гради по урнек по проектите на Кензо Танге и Адолф Циборовски.
Старата железничка станица денес е Музеј на Град Скопје и претставува симбол на големиот земјотрес. Часовникот на станицата е засекогаш сопрен на фаталните 5 часот и 17 минути изутрина.
Првата помош за граѓаните на Скопје дошла од војската и граѓаните на тогашните југословенски републики. Неколку дена по земјотресот започнала да пристигнува и помош и спасувачки екипи од целиот свет. Точно 87 нации од светот испратиле помош во Скопје кои помогнале тој да се изгради повторно, поради тоа градот го носи и епитетот „град на солидарноста“.