СКУП: Канческа Милевска ноќевала во Хилтон, Шератон и Риц
Објавено во: Македонија 17 Август, 2017
Екс-министерката за култура, Елизабета Канческа Милевска ја користела службената картичка за различни работи, почнувајќи од набавка на апарат за кафе-Неспресо, преку набавки во „Зара хоме„ во Солун, но, пазарела и во грчката продавница Публик, позната по техничка стока, ЦУМ и Харли Дејвидсон (препознатливи во марката мотори), каде е плаќано во рубли, објави Центарот за истражувачко новинарство СКУП.
Во анализата четири илјади и триста евра од личната картичка на екс-министерката се одлеале на сметката на прочуениот ланец хотели „Хилтон“ за само еден ден. Но, не од нејзината приватна сметка, туку од сметката на буџетот која ја полнат граѓаните на Република Македонија. „Хилтон“ не бил единствената дестинација на екс-министерката, која била чест гостин и на прочуените хотели „Шератон“ и „Риц“ во европските и светски метрополи. За ноќевање во овие хотели била плаќана сума од 300 евра од вечер.