16 Декември, 2017
0.3797
    ALK 7304.71    0%     CEVI 1144    0%     GRNT 762.38    0.86%     KJUBI 1400    0%     KMB 2700    0.01%     OHB 4767.86    -0.67%     RMDEN15 95.1    0.11%     RZUS 107.89    1.78%     STB 910    -1.09%     STIL 127    -2.31%     TNB 13100    0%     TPLF 1500    -1.69%     UNI 1870    -1.03%     ZILU 151    -2.58%

Сликата која ја одбележа 2016 - Тероризам, бегалски кризи, разнишана Европа, нова љубов меѓу САД и Русија

Објавено во: Анализа, Свет 31 Декември, 2016

Можеби сосема случајно но, оваа слика на која петте лидери на едни од најголемите светски сили во светот „мафтаат“ пред камерата, а само Ангела Меркел стои мирно ја отслика симболиката на светската политика во 2016-та. Од петте лидери, четворица им завршува мандатот или пак беа принудени да си поднесат оставки поврзани со клучни прашања. 

Британскиот премиер Дејвид Камерон мораше да си поднесе оставка откако самиот побара да се одржи референдум за прашањето дали Велика Британија треба да излезе од Европската Унија кој тотално го промаши. Брегзитот донесе голема неизвесност за европската економија, но и сомнеж дали ЕУ како политички концепт може да продолжи да постои со оглед на најавите за нови референдуми базирани на популистички движења.


Францускиот претседател Франсоа Оланд пак, се соочи со големи предизвици со повеќето терористички напади, а се чини дека токму поради лошото справување на безбедносните служби ја губи довербата од народот и има закана на функција да стапи кандидат од екстремната десница на следните избори.

Италијанскиот премиер Матео Ренци исто така си поднесе оставка откако референдумот за новите овластувања на владата да носи итни законски мерки за побрзи реформи во економијата и политичкиот систем во склад со ЕУ, не успеа. Сега и на Италија и се заканува можно одалечување од Брисел и дополнителна нестабилност на Стариот континент.

Своите последни потези во политиката ги влече и американскиот претседател Барак Обама кој сосема природно му завршува вториот и последен мандат во јануари, но се чини дека се за што се бореше изминатите 8 години како негово наследство во САД ќе биде погазено од страна на Доналд Трамп, новоизбраниот непредвидлив претседател кој е поблизок со Русија, а ќе им се спротистави на Кина и скапата политика на НАТО.

Единствено сигурна сега засега е Анкела Меркел која и натаму има добар рејтинг во Германија иако мигрантската прифатна политика и наштети на угледот. Со демохристијанската ЦДУ Меркел ќе мора многу понапорно да работи за да ја врати довербата но, се чини дека таа е последниот столб на „старата“ Европа и целиот проект на интеграција на ЕУ зависи од нејзината силна волја, па нема така лесно да се предаде.

Автор: Христијан Станоевиќ


Можеби ќе ве интересира

Игрите може да започнат, кој ќе застане на тронот во „Белата палата“?

Игрите може да започнат, кој ќе застане на тронот во „Белата палата“?

За борбата и изгубените години во криза Заев нема простор за грешки

За борбата и изгубените години во криза Заев нема простор за грешки

Трпеноски: Заев не е свртен во државата, да не заборави на домашните проблеми

Трпеноски: Заев не е свртен во државата, да не заборави на домашните проблеми

Ризаов: Ако „груевизмот“ кој беше соборен се замени „заевизам“, тоа ќе биде уште поголема катастрофа

Ризаов: Ако „груевизмот“ кој беше соборен се замени „заевизам“, тоа ќе биде уште поголема катастрофа

Муслиу: Енергична влада со енергичен премиер

Муслиу: Енергична влада со енергичен премиер

Заев за предизвикот на МПЦ - Таа е реалност во православниот свет

Заев за предизвикот на МПЦ - Таа е реалност во православниот свет

Се отвори ли Пандорината кутија за менување на учебниците, па и на тие по историја?

Се отвори ли Пандорината кутија за менување на учебниците, па и на тие по историја?