22 Ноември, 2017
0.8954
    ALK 7223.6    -1.72%     BESK 10300    0%     GRNT 809.73    1.09%     KMB 2697.06    -0.11%     MPT 26300.71    -2.23%     RMDEN14 92.2    -2.95%     RZLV 45    0%     RZUS 106    -3.64%     TPLF 1605.93    -0.07%     TTK 795    -2.57%     ZPKO 2601    0.04%

Словенија ќе и помага на Македонија во јакнење на Платежната агенција и советодавните служби за земјоделците

Објавено во: Агробизнис 25 Август, 2017

Министерот за земјоделство, шумарство и водостопанство Љупчо Николовски оствари средба со заменик-претседателот на Владата и министер за земјоделство, шумарство и храна на Република Словенија, Дејан Жидан, во Брдо кај Крањ, Словенија. На средбата е договорена  помош од Република Словенија во евроинтеграцискиот процес на Република Македонија. Министерот Жидан, истакна дека Република Словенија стои на располагање за помош во делот на подобрување на функционирањето на македонската Агенција за финансиска поддршка во земјоделството и руралниот развој, како институција која е важна за распределбата на националните и европските пари. Исто така Министерот Жидан посочи дека Република Словенија ќе помогне во јакнењето на советодавните служби за земјоделците во Република Македонија, како на Агенцијата за поттикнување на развојот на земјоделството и руралниот развој, но и на приватните советодавни служби. Во таа насока, тимови од Република Македонија и од Република Словенија, со следниот период  ќе работат на реализација на овие два клучни приоритети за развојот на македонското земјоделство.

Инаку денешната билатерална средба помеѓу министрите Николовски и Жидан, е во рамки на 12-от Форум за агро-трговија и економска соработка што одржува во Брдо кај Крањ, Словенија, а кој е во склоп на 55-тото издание на  Саемот за храна и земјоделство „AGRA FAIR 2017“ што се одржува во Горња Радгона, Словенија. Како клучен настан кој годинава го одбележи саемот, е официјалната средба во рамките на форумот и платформата за соработка во областа на земјоделството „16+1“,  помеѓу министрите од земјите од Централна и Источна Европа и од НР Кина. На министерскиот состанок се дискутираше за улогата на меѓународната трговија и синџирот за снабдување со храна на локално и глобално ниво, за напредокот на соработката во областа на земјоделство во текот на изминатата  година и за идните чекори за подобрување на меѓународната трговија.

Можеби ќе ве интересира

МАКЕДОНСКИОТ КОСТЕН ИМА ИДНИНА: Полицијата да ги спречи кражбите во тетовско

МАКЕДОНСКИОТ КОСТЕН ИМА ИДНИНА: Полицијата да ги спречи кражбите во тетовско

Николовски: За развојот на земјоделството, клучна е улогата на владините политики за забрзување на евроинтеграцискиот процес

Николовски: За развојот на земјоделството, клучна е улогата на владините политики за забрзување на евроинтеграцискиот процес

Владата донесе пакет одлуки за секторот земјоделство

Владата донесе пакет одлуки за секторот земјоделство

Николовски во Јахорина ќе учествува на 11-от годишен состанок на министрите за земјоделство од ЈИЕ

Николовски во Јахорина ќе учествува на 11-от годишен состанок на министрите за земјоделство од ЈИЕ

Интервју Кирил Станкоски: Оваа година може да очекуваме добар род и реколта со квалитетен тутун

Интервју Кирил Станкоски: Оваа година може да очекуваме добар род и реколта со квалитетен тутун