Добивај вести на Viber
Словенија не е Кипар и сеуште не и е потребна меѓународна помош, изјави гувернерот на Централната банка во Словенија Марко Крањец.
Словенија често се споменуваше како една од слабите алки во еврозоната, посебно од почетокот на оваа недела, кога меѓународна помош и беше дадена на Кипар.
„Банкарските ситеми на Кипар и Словенија не може да се споредуваат ниту по големина, ниту по можноста да подлегнат на исто решение“, истакнал Крањец.
Но, Словенија е во рецесија и има проблеми со банкарскиот систем оптоварен со долгови, укажуваат аналитичарите.
„Проблемите на словенечкиот банкарски сектор се предизвикани од експанзивната кредитна политика во 2004 – 2008 година, но тие проблеми може да се решат“, оценил гувернерот на Централната банка.