Снимката од Јутјуб го одложи Поткуп, Заев дојде во судница
Објавено во: Македонија 20 Ноември, 2017
Премиерот и лидер на СДСМ, Зоран Заев во придружба на адвокатите, дојде на рочиштето за случајот „Поткуп“, но истото по барање на одбраната беше одложено.
Судот го одложи рочиштето на 25 декември годинава за прво да се сочека одлуката на Апелациониот суд кој треба да реши дали снимката која се појави на Јутјуб на која бизнисменот го снима Заев и на која се разговара за употреба на парите за градба и донација за црквата се е валидна како доказ во постапката.
Судењето е одложено за да се сочека одлуката на Апелацискиот суд на 27 ноември за тоа дали снимките од посебните истражни мерки објавени на Јутуб можат да бидат доказ во постапката. Заев во „Поткуп“ е обвинет дека во својство на градоначалник на Струмица, побарал поткуп од струмички бизнисмен Иван Николов, во вредност од 160 илјади евра за градежно земјиште во Струмица.
Претходното рочиште, на 27 септември, беше одложено поради отсуство на судијката Дијана Груевска-Илиевска.