Со акциите на Европа свртени над половина милион евра на берза
Објавено во: Економија 15 Ноември, 2017
Акциите на АД Европа Скопје вчера беа едни од најбараните на пазарот на хартиите од вредност и на Македонска берза се извршија вкупно три блок транскации со поединечни вредности од 22,3 милиони денари, 2 милиони денари за втората и 9 милиони денари за третата блок трансакција на акции.
Вкупната вредност на истргуваните акции на АД Европа Скопје ќе и донесе нешто над 547 илјади евра. Една акција на АД Европа вчера се тргуваше по цена од 2800 денари. Вкупно се истргуваа над 12 илјади акции на АД Европа со право на глас.
Ова е нешто пониска цена на акциите на АД Европа бидејќи последната максимална цена регистрирана од 3142 денари по акции важеше до 13 ноември и во последните шеесетина дена.