Со колкава кауција Тодориќ си ја купи слободата?
Објавено во: Балкан 07 Ноември, 2017
Сопственикот на „Агрокор“, Ивица Тодориќ, кој ѝ се предаде на полицијата во Лондон, платил кауција од 100.000 фунти.
Судот денеска му го одзеде пасошот, а Тодориќ ќе мора да носи сигурносна алка.
Тајкунот денеска ѝ се предаде на лондонската полиција. Тодориќ во лондонската полиција дошол во придружба на своите британски адвокати. По него беше распишана потерница. Следното рочиште е закажано за идната година.
Тој на сослушувањето во судот во Лондон изјавил дека е против негово екстрадирање во Хрватска.
Загрепското жупаниско државно обвинителство поведе истрага против Тодориќ, неговите синови Иван и Анте Тодориќ и против дванаесет менаџери на „Агрокор“ поради незаконско прибавување стотици милиони евра.
На вкупната штета се надоврзува и незаконски прибавена корист во висина од дополнителни 320 милиони куни, прибавени за правно лице со фалсификување исправи и незаконско водење на деловните книги.