Со комбајн берат грозје - замена за 200 работници
Во градот Вршац во Србија грозје берат со комбајн кој заменува 200 работници.
Објавено во: Агробизнис 18 Септември, 2016
Овој комбајн има два бункери, собира 2.800 килограми и е опремен за ноќна берба.
Се берат само зрната грозје, но тоа не го скратува процесот на обработка на грозјето.
Освен предности, има и маани, така што лозјето мора да биде подготвено за да влезе комбајнот.
Теренот мора да биде рамен, а лозјето мора да биде закроено и врзано.
„Основно зошто користиме комбајн е недостаток на каква било, но и на квалитетна работна сила“ - велат сопствениците на лозјата.
Велат дека сезонци тешко се наоѓаат,и ако им се потребни 400 ќе најдат 200. Сепак за дел од теренот, ќе мора да ангажираат сезонци затоа што комбајнот не може да влезе во секој ред.
Бербата на грозје во комбајн во Европа е стандардна, а на Балканот е новитет.