Со нови мерки НБРМ ќе ги ублажува последиците од кризата

Добивај вести на Viber

Советот на Народната банка на Република Македонија донесе нови нестандардни мерки на монетарната политика за ублажување на последиците од кризата, преку поддршка на кредитирањето и подобрување на платнобилансната позиција на земјата, што треба да придонесе за поттикнување на економскиот раст на земјата, стои во соопштението на НБРМ цо врска со денешната 12-та седница. Најновите мерки на Народната банка носат промени кај инструментот задолжителна резерва. Со новините кај Одлуката за задолжителната резерва се овозможува намалување на основата за задолжителна резерва на банките за износот на новоодобрените кредити на нето-извозниците и на домашните производители на електрична енергија, како и за вложувањата во должнички хартии од вредност во домашна валута без валутна клаузула, издадени од споменатите претпријатија. Со промените се создаваат услови за намалување на цената на кредитите одобрени на нето-извозниците и на домашните производители на електрична енергија, а истовремено се придонесува за зголемување на обемот на кредитна поддршка за овие значајни сектори од економијата. Со оглед на тоа дека станува збор за нестандардна мерка, се предвидува оваа измена да се применува заклучно со 2014 година, кога зависно од постигнатите резултати, ќе се преиспита потребата од натамошна примена, наведуваат од НБРМ. Као што соопшуваат од Банката донесена е одлука за изменување и дополнување за начинот и условите за замена на книжните и кованите пари што станале непогодни за промет. Со овие новините се врши прецизирање и зајакнување на улогата на НБРМ во однос на одржувањето на квалитетот на книжните и кованите пари на високо ниво, преку нејзино директно вклучување во процесот на контрола при обработката кај банките, како непосредни извршители на оваа активност.