Со пари од Европската инвестициска банка ќе се градат водоводни и канализациони системи
Објавено во: Економија 22 Октомври, 2016
Oбезбедени се 59 милиони евра преку Европската инвестициска банка за изградба на водоводни и канализациони системи низ државата.
Со континуираното инвестирање во водоводни и канализациони системи, се решава еден од најгорливите проблеми на населението.
„Проектот е почнат пред извесен период. Се работи за 59 милиони евра од Европската инвестициска банка за инвестирање во водоводни мрежи и канализациони мрежи низ цела Македонија. Досега се инвестирани 18 милиони евра за околу 50-тина проекти“ - вели лидерот на ВМРО-ДПМНЕ, Никола Груевски.
Во тек на реализација се нови 30 проекти со вредност од над 10 милиони евра.
„Проектот е во полн ек, еден дел се завршени, еден дел се во градба и за еден дел се подготвува да почне градба на канализациони и водоводни мрежи онаму каде што ги нема, онаму каде што граѓаните ги бараат и се разбира онаму каде што сме ги ветиле“ - кажа Груевски.
Досега се реализирани 55 проекти во вредност од над 18 милиони евра.